傻仔兩件

認識我們的朋友，都覺得我跟伯伯是那種大方得體（吓？？！），溫文爾雅（吓？？？！！）的人。但其實我們有些黑暗面是不爲人知的。

-------------------

譬如1：

某天我跟伯伯在銅鑼灣百無聊賴，盪吓盪吓的時候...

伯伯：嘩，大笨，你耳仔裏面有粒瘡呀，重有膿添呀！好核突呀！
大笨：唔係吓化？[伸手指入耳朵摸索後] 唓，邊度有唧？
伯伯: 有呀！不如我幫你唧咗佢吖！
大笨：哇，咁痛，唔制！我都見唔到有瘡！
伯伯：不如我用相機幫你影低佢吖？

結果，我們回家後，第一件事便衝入廁所照鏡，然後伯伯便用相機拍下我耳朵裏的瘡。（真的有喲！重有膿！）

-----------

譬如2：

我們閒時會為對方拔白頭髮 （一邊拔一邊說些無聊話例如“嘩我有咁多白頭髮嘅！你睇你平時對我幾差吖！”諸如此類）。拔完以後，會把頭髮放在一個陶氏密實袋裏面。 不要問我爲何這麽做，伯伯說要把它們儲起來喎！

-----------

所以呢，我們其實呢，都幾白痴。